GSCS Nakibahagi sa Encounter with the Youth ng Santo Papa

Ni Marie Gabrielle T. Bernabe

  Ang Good Shepherd Cathedral School ay nagpadala ng kanilang mga kabataang kinatawan sa UST. Ang batayan ng pagpili ng mga kinatawan ay dapat  bahagi ng isang ministry club, makamtan ang hinihinging marka, ang kanilang pag-uugali at nangangailangan na sila ay isang mag-aaral na nasa ika tatlo o ika apat na taon. Ang mga mapapalad na napili ay sina Patricia Marquez, Jasper Lao, Beatrice  Dimabuyu, Chloie Magtoto, Seiya Ishii, Jumir Boneo, Gary Mamaid, Jorell Dizon at si Leah Paningbatan. Kasama ng kanilang mga guro na pinangungunahan ni Dr. Carina G. Dacanay, ang principal  ng paaralan, si G. Anthony B. Rapisura, ang CLE coordinator,  si G. Marco Paolo M. Lovendino at ang ating shool nurse na si Ma. Angellie P. Borbor,  Nagtungo sila papuntang UST, isang araw bago ang hinintay na Encounter with the Youth.

  Nagsimula ang kanilang mahabang paghihintay sa Santo Papa ng ika-17 ng Enero ng ika-10 ng gabi ng dumating sila sa kalye ng P. Noval upang pumila sa pagpasok sa UST. Pagkatapos ng siyam na oras ng paghihintay sa labas ng malamig at  masikip na daanan sa labas ng UST, sila ay nakapasok sa loob ng ika-7 ng kinaumagahan ng ika-18 ng Enero. Ang mga kinakatawan natin ay nagsuot ng Marian blue na mga t-shirt na ang nakatakdang kulay ng mga miyembro ng Catholic Educational Association of the Philippines, (CEAP) habang ang mga nakatakdang kulay naman sa Youth Ministry ng iba’t ibang parte ng Pilipinas ay pula. Ang Santo Papa ay binati muna ng iba’t ibang lider ng mga relihiyon sa Arch of the Century at pagkatapos ay tumungo na siya sa UST Quadrangle kung saan naroon din ang ilang mga pari at obispo ng Pilipinas. Ang ilang mga kwento ng mga kinatawan ng GSCS ay  pagkita nila  sa Santo Papa, sila ay naiyak sa lakas ng impact ng kanyang presensya. “Parang nakakita ka ng santo, parang ang linis ko na rin,” sabi ni Patricia Marquez.

   Pagsimula ng programa, nakinig ang Santo Papa sa mga mensahe ng mga napiling mga kabataan: sina Jun Chura, isang out-of-school-youth, si Glyzelle Palomar, si Leandro Santos II, isang mag-aaral ng abogasya at si Rikki Q. Macolor, isang enhinyero at ang nagimbento ng Solar Night Light para sa mga nasalanta ng Bagyong Yolanda sa Tacloban. Matapos marinig ng Santo Papa ang mga kwento at hiling  ng mga napiling kabataan, nagbigay siya ng isang hindi handang talumpati  ng nasa kanyang katutubong wikang Italyano.

 Hiniling niya na ipagdasal ang batang babae na namatay sa Leyte at ipinamalas niya sa kabataan ang kanyang mensahe ng hindi masama ang paggamit ng social media kung ito ay gagamitin upang ipabatid ang salita ng Panginoon. Nasabi din ng Santo Papa na ang kabataan ay dapat maging mapagkumbaba.

    Hiniling niya na ipagdasal ang batang babae na namatay sa Leyte at ipinamalas niya sa kabataan ang kanyang mensahe ng hindi masama ang paggamit ng social media kung ito ay gagamitin upang ipabatid ang salita ng Panginoon. Nasabi din ng Santo Papa na ang kabataan ay dapat maging mapagkumbaba.

    Ng pagkawakas ng encounter with the youth at ang pagalis ng Santo Papa sa UST, kumanta ang mga kabataan ng Tell the World of His Love at sa panahon na ito, talagang naramdaman ng mga kinatwan natin ang totoong kahulugan ng serbisyo sa Diyos. Sa kabila ng lahat ng lamig, pagod at puyat ng pinagdaanan ng mga kinatawan natin,talagang masasabi nila na isa itong nakakabigay buhay na karanasan para sa kanila: naramdaman nila ang totoong sakripisyo.